Səudiyyə Ərəbistanı Dövlət İnvestisiya Fondunun (PİF) törəmə şirkəti olan New Murabba Development Company 45 mindən çox tamaşaçı tutumuna malik memarlıq şah əsəri olan Murabba Stadionunun yeni dizaynını təqdim edib.
Hafta.az-ın yazdığına görə, “Al Murabba” şirkətinin baş direktoru Maykl Dayk bildirib: “Yeni stadion Ər-Riyadın idman, mədəniyyət və əyləncə üçün canlı qlobal məkana çevrilməsini təcəssüm etdirir və Səudiyyə Ərəbistanının yaşadığı böyük transformasiyanı vurğulayan dünya səviyyəli infrastrukturun inkişafına sadiqliyimizi təsdiqləyir".
O qeyd edib ki, tikinti mərhələsinin 2032-ci ilin sonunadək başa çatdırılması nəzərdə tutulur. Bu idman-əyləncə binası canlı, innovativ dizaynı ilə unikal memarlıq əsəri təşkil edəcək, paytaxtda iqtisadi və turizm fəallığının artırılması üçün cəlbedici mərkəz rolunu oynayacaq.
Stadion Səudiyyə Ərəbistanını yüksək səviyyəli idman və əyləncə təcrübələri təqdim etməkdə aparıcı qlobal mərkəzə çevirmək üçün göstərilən səylərin həcmini nümayiş etdirir. Bu, Ər-Riyadın mərkəzinin “yeni meydanının” əsas dayağı olacaq.
Yerli akasiya ağacının üst-üstə düşən təbəqələrindən və düz, pullu teksturasından dizayn edilmiş stadion yeni meydanı xarakterizə edən ənənə və innovasiyanın birləşməsini simvollaşdırır, həmçinin pərəstişkarları və tədbir iştirakçıları üçün unikal şəxsi təcrübə təmin etmək üçün ən son texnologiyalardan istifadə edəcək.
Yeni Əl-Murabba Stadionu çoxlu istifadə məkanları vasitəsilə müxtəlif idman və əyləncə tədbirləri, oyun yarışları, sərgilər, maarifləndirici tədbirlər və sairə ev sahibliyi edə biləcək.
-1780725761.jpg&h=173&w=263&zc=1&q=80)
