Azərbaycan Respublikasının hələlik Rusiyanın rəsmən sülhməramlı sayılan hərbi kontingentinin nəzarətindəki hissəsində tör-töküntüləri qalan separatçı-terrorçu rejim sabah –sentyabrın 2-də, qondarılmasının 30 illiyi münasibəti ilə gənclərin Xocalı rayonu ərazisindəki məşhur Sağsağan qayasına(yaxud qalası) yürüşünü təşkil etməyi planlaşdırır.
Hafta.az xəbər verir ki, bu haqda separatçı erməni nəşrləri məlumat yayıb.
Xankəndindəki “TRTU” klubu vasitəsilə təşkil edilən yürüş Xocalı rayonun “Xnzırıstan” adlandırılmış Almalı kəndindən başlayacaq.
Ermənilərin “Kaçaxaberd” adlandırdıqları Sağsağan qayası dəniz səviyyəsindən 1706 metr hündürlükdə, Almalı kəndindən hava xətti ilə təxminən 5 km, Kəlbəcər rayonunun Kolatağ kəndindən isə 3 km məsafədə yerləşir.
