Kuba ölkədən qaçaraq ABŞ-a gedən kanoeçi Fernando Xorxenin Paris Olimpiadasına qatılacaq qaçqınlar yığmasından çıxarılmasını tələb edib.
Hafta.az-ın AFP-yə istinadən yazdığına görə, Kuba Olimpiya Komitəsi 25 yaşlı Xorxenin "ölkəsinə və xalqına hörmətsizlik etdiyini" əsas gətirərək komandadan qovulmasını istəyib. Havana rəhbərliyi Xorxenin 2024-cü il Paris Olimpiya Oyunlarında Qaçqın Olimpiya İdmançıları Komandasına daxil edilməsinin səhv qərar olduğunu iddia edib.
Kuba administrasiyası Xorxenin “hər hansı müharibə səbəbilə yerindən-yurdundan olmadığını və ya təqiblərə məruz qalmadığını” müdafiə edərək, idmançının ölkəni öz istəyi ilə tərk etdiyini, ona görə də qaçqınlar komandasında yeri olmadığını iddia edib.
Xorxe 2020-ci ildə Toyko Olimpiadasında Kubaya qızıl medal qazandırdıqdan sonra 2022-ci ildə ABŞ-a qaçıb.
Ötən ay AFP-yə verdiyi müsahibədə idmançı 2022-ci ilin martında Mexikoda təlim-məşq toplanışında məşq edərkən gizli şəkildə ABŞ-a qaçdığını bildirib.
ABŞ-dan qaçqın statusu alan Xorxe daha sonra Qaçqınların Olimpiya Atletləri Komandasının heyətinə qatılıb.
Beynəlxalq Olimpiya Komitəsinin məlumatına görə, 36 idmançıdan ibarət komanda 12 filialda mübarizə aparacaq. Komandanın digər kubalı idmançısı Böyük Britaniyada yaşayan ağır atlet Ramiro Moradır. Kuba Olimpiya Komitəsinin açıqlamasında Moranın qovulması ilə bağlı heç bir tələb irəli sürülməyib.
Amerikanın AP xəbər agentliyi Xorxenin qovulma tələbi ilə bağlı şərh verməkdən imtina etdiyini bildirib.
-1780725761.jpg&h=173&w=263&zc=1&q=80)
