“Qarabağ"ın qapıçısı Andrey Lunyov gələcək planlarından danışıb.
Hafta.az xəbər verir ki, o, bu haqda “RB-Sport”a (Rusiya) müsahibəsində yaxşı təklif alacağı təqdirdə Rusiyaya qayıtmağa hazır olacağını etiraf edib.
“Müqaviləniz mövsümün sonuna kimidir. Gələcək karyeranızla bağlı "Qarabağ”la söhbətimiz olubmu?” sualına 31 yaşlı qoliper belə cavab verib: “Danışıqlar gedir. Bununla məşğul olan insanlar var. Mənim işim isə meydanda nəticə verməkdir”.
Lunyov gələcəkdə Rusiya Premyer Liqasına qayıtmasının mümkünlüyü haqda suala isə belə cavab verib: “Prinsipcə, istənilən təklifə açığam. Gələcək inkişaf və ailə üçün hansı variantın daha yaxşı olduğunu araşdırmaq lazımdır”.
Xatırladaq ki, Lunyov “Qarabağ”a 2023-cü ilin yayında transfer olunub. Onun müqaviləsi 2024-cü ilin yayında başa çatır.
-1780725761.jpg&h=173&w=263&zc=1&q=80)
