"Bir neçə gün əvvəl ABŞ-ın Kubaya qarşı iqtisadi, ticarət və maliyyə blokadasına son qoymağı tələb etmək üçün vətəndaşlar və Kuba ilə dostluq təşkilatlarının 5 qitədə birgə həyata keçirdikləri tədbirlər dünya gündəmində öz yerini tutub".
Bu sözlər Kubanın ölkəmizdəki səfirliyindən Hafta.az-a daxil olan, xalq rəssamı, Azərbaycan Respublikasının əməkdar rəssamı Arif Hüseynovun qələmə aldığı məlumatda deyilir. Bildirilir ki, bir ay öncə "Europa por Cuba" kanalının təşəbbüsü ilə başlayaraq planetin müxtəlif yerlərindən olan hərəkatlar və həmrəylik qrupları ilə razılaşdırılmış müxtəlif tədbirlər həyata keçirilir.
"Azadlıq adasını həmişə dəstəkləyən Azərbaycan xalqı olaraq Kuba xalqına qarşı tətbiq edilən soyqırım blokadasını rədd etdiyimizi bir daha bildirir və bu qlobal karvana qoşuluruq", - məqalədə qeyd olunur.
Daha sonra məqalədə deyilir ki, sitat: Biz, Kuba xalqının dostları, bu qlobal karvanın Vaşinqtonun Karib ölkəsinə 60 ildən çox davam edən cinayətkar siyasətinin qüvvədə qaldığı müddətdə davam edəcək tədbirlərin yalnız başlanğıcı olduğunu təkrarlayırıq.
A.Hüseynov yazır ki, mühasirəni qınadığımızı deyəndə, həmrəylik göstərən və pandemiya dövründə başqalarına kömək etməkdə çox fəal xalqa qarşı təcavüzün təzahürü olan haqsızlığı vurğulayırıq. "Cəsarətli Kuba xalqı ilə tam razıyıq ki, bu blokada Kubanın inkişafına ən böyük maneədir və insan haqlarının pozulmasının təzahürüdür. Kubanın BMT Baş Assambleyasına may ayında təqdim edəcəyi hesabatda qeyd olunduğu kimi, altı onillik ərzində dəymiş ümumi ziyan 144 milyon 413 min dollar təşkil edir və 2019-cu ilin aprelindən 2020-ci ilin martına qədər 5 milyon dollardan çox itkiyə səbəb olub",- məqalədə yazılır.
Xalq rəssamının yazdığına görə, artıq 29-cu dəfədir ki, beynəlxalq təşkilat bu praktikanın dayandırılması barədə bəyanatla çıxış edəcək və bu da birtərəfli olmaqdan əlavə, Antil adaları xalqı ilə olan əlaqələrinə görə üçüncü ölkələrə təsir etdiyi və cəzalandırdığı üçün ekstraterritorial xarakter daşıyır.
"Azərbaycan xalqı bu Beynəlxalq Karvana və Kubaya olan sevgi körpüsünə qoşulur: mühasirəyə və insan ləyaqətinə qarşı", - məqalənin sonunda qeyd olunur.
